Zjarr në një banesë në fshatin Gështenjas vetëm pak kilometra larg nga qyteti i Pogradecit. Burime pranë shërbimit zjarrëfikës bënë me dije se zjarri ka përfshirë shtëpinë e Joni Manellarit banues në këtë fshat.
Ardhja në kohë e shërbimit zjarrëfikës ka bërë të mundur izolimin e flakëve duke mos lejuar kështu përfshirjen nga zjarri edhe të banesave të tjera përkrah kësaj shtëpie. Të njëjtat burime thanë se nga zjarri në këtë banesë ka pasur dëme të konsiderueshme materiale pa rrezikuar jetën e pjesëtarëve të familjes.
Specialistët zjarrëfikës nuk kanë bërë zyrtarisht të ditur shkaqet e zjarrit por paraprakisht u tha se zjarri mund të jetë përhapur nga oxhaku i banesës.
Në momentin e zjarrit ka pasur në banesë disa pjesëtarë të familjes të cilës janë larguar me shpejtësi nga banesa.
