Digjet makina e “Transportit Rrugor”, reagon policia: S’ka qenë eksploziv

Automjeti i një 32- vjeçareje, por që ishte në pronësi të Drejtorisë së Përgjithshme të Transportit Rrugore është djegur në Shkodër. Ngjarja ka ndodhur të mërkurën në fshatin Hoti Ri.

Sipas Policisë së Shtetit, zjarri në makinën që përdoret nga shtetësja E.M. ka qenë aksidental, nga një defekt i brendshëm i mjetit, dhe jo eksploziv.

Për pasojë, është dëmtuar tapiceria e brendshme dhe është thyer xhami i derës.

Materialet iu referuan Prokurorisë së Rrethit Gjyqësor Shkodër për vlerësim.