Digjet autobusi me turistë në Fushë-Milot. (Fotot e tmerrit)

Një autobus me turistë i nisur nga Kosova në drejtim të Shkodrës është përpirë nga flakët pak momente më parë.

Menjëherë në vendngjarje kanë mbërritur shërbimet policore dhe zjarrfiksja që po bëjnë të mundur shuarjen e flakëve.

Nga kjo ngjarje nuk ka njerëz të lënduar por vetëm dëme materiale.

Sipas policisë dyshohet se çdo gjë është aksidentale, por hetimet vazhdojnë.

Policia rrugore ka bërë të mundur zhvendosjen e qarkullimit rrugor në aksin e vjetër rrugor Milot – Lezhë dhe Milot – Laç deri në përfundim të veprimeve hetimore në vendngjarje si dhe për të shmangur trafikun.

Më poshtë mund te shihni pamjet nga vendi ngjarjes.