Dibër/ Kontrabandë me lëndë drusore, procedohet një person
Në kuadër të kontrolleve për prerjen e paligjshme të pyjeve, këtë të shtunë është bërë bllokimi i një mjeti tip kamion që po transportonte lëndë drusore nga fshati Lukan në Selishtë dhe është proceduar penalisht një person.
Mjeti është dërguar në Komisariatin e Policisë Dibër bashkë me lëndën drusore, ndërkohë që ka nisur procedimi penal në gjendje të lirë për drejtuesin e automjetit.
Inspektoriati Shtetëror i Mjedisit, Pyjeve, Ujrave dhe Turizmit, dega rajonale Dibër në bashkëpunim me policitë lokale të Matit, Bulqizës dhe Dibrës gjatë muajit Gusht kanë zhvilluar disa aksione në pika kyçe ku mendohej se realizohej kotrabandë të lëndës drusore.
Si rezultat i këtyre aksioneve përgjatë një muaji janë sekuestruar rreth 150 metër kub lëndë drusore për shtylla minjerash dhe dru zjarri.
