Gjykata Supreme i ka liruar nga paraburgimi tri infermieret e përfshira në sulmin fizik ndaj një të moshuare në Pejë.
Ky lajm është konfirmuar për Kosovapress nga zëdhënësja e Gjykatës Supreme, e cila tha se tre infermieret janë lënë të lira pas kërkesës së bërë nga avokati i njërës prej tyre.
Incidenti për të moshuarën u bë i njohur pas publikimit të një videoje, ngjarje kjo që solli një reagim të madh jo vetëm në Kosovë por edhe Shqipëri e më gjerë.
Në pamjet e publikuara shihet një infermiere vazhdimisht duke sulmuar të moshuarën, derisa një tjetër incizon të gjithë incidentin e një tallet me sulmin.
Tri infermiereve të dyshuara të përfshira në këtë rast, Aurona Pelaj, Altina Rexhepi, dhe Remzije Kuqi – Gashi, u është caktuar masa e paraburgimit prej një muaji më 2 nëntor nga Gjykata e Pejës.
Edhe Oda e Infermierëve të Kosovës ka bërë të ditur se të njëjtave ua ka hequr licencën.
