Policia dhe forcat ushtarake vijojnë aksionin për ndalimin e qarkullimit të mjeteve dhe këmbësoreve jashtë fashave te orareve të miratuara nga qeveria.
Gjatë 24 orëve të fundit, janë arrestuar dy këmbësorë pasi kanë kundërshtuar e dhunuar policinë për shkak se qarkullonin pa arsye. Ndërkohë që në të gjithë vendin janë gjobitur 100 qytetarë me 10 mijë lekë gjobë secili pasi lëviznin pa arsye emergjence. Ndërsa 45 shoferëve u është bllokuar patenta pasi lëviznin pa lejen e policisë.
Aksioni vijon edhe për mbylljen e subjekteve tregtare qe ushtrojne aktivitetin jashtë orareve të lejuara ku janë gjobitur 13 të tilla me 100 mijë lekë.
