Dhunuan dhe vodhën shtetasit e huaj, katër të arrestuar në Korçë

Katër persona kanë rënë në prangat e policisë pasi kanë vjedhë me dhunë dy shtetas të huaj.

Informacionet bëjnë me dije se në prangat e policisë kanë rënë shtetasit M. R., 19 vjeç, K. D., 20 vjeç, A. G., 19 vjeç dhe K. I., 19 vjeç, të gjithë banues në Korçë.

Sipas policisë dyshohet se shtetasit e mësipërm, janë autorë të dyshuar edhe të dy ngjarjeve të tjera të ndodhura në qytetin e Korçës, gjatë muajit dhjetor, ku kanë vjedhur me dhunë 4 shtetas të huaj, të cilëve iu kanë marrë 4 aparate celulare dhe shumën prej 440 euro.