Dhunimi i transgjinores Anxhela/ Ilir Meta: Sulm burracak, të kapen autoret
Dhunimi i një transgjinori nga disa persona ditën e martë në Tiranë ka sjell edhe reagimin e Presidentit Meta.
Kreu i shtetit nëpërmjet një postimi në twitter shkruan se dhuna kundër një anëtareje të komunitetit LGBTI është e dënueshme.
Meta gjithashtu I bën thirrje autoriteteve ligjzbatuese të marrin masat e duhura për zbardhjen e këtij sulmi burracak dhe nxjerrjen para drejtësisë së autorëve.
E dënueshme dhuna kundër një anëtareje të komunitetit LGBTI në Shqipëri. I bëj thirrje autoriteteve ligjzbatuese të marrin masat e duhura për zbardhjen e këtij sulmi burracak dhe nxjerrjen para drejtësisë së autorëve.
— Ilir Meta (@ilirmetazyrtar) November 13, 2019
Sipas Komisionerit për Mbrojtjen nga Diskriminimi, Anxhela është sulmuar për shkak se ka marrë pjesë në paradën e fundit të lezbikeve në Tiranë.
Komisioneri ka kërkuar nga policia dhe prokuroria që të identifikojnë dhe të marrin masa ndaj personave që dhunuan transgjinoren.
Reagim pati edhe nga Ambasada e Holandës në Tiranë, e cila thekson se ndihet e shokuar nga ky akt i dhunës.
