Dhjetëra persona janë shoqëruar në polici në lidhje me ngjarjen e rëndë të Rinasit ku disa grabitës morën një shumë të konsiderueshme parash dhe më pas u përplasen me armë me policinë.
1 nga autorët mbeti i vdekur ndërsa të tjerët arritën të arratisen. Policia ngriti menjehere postblloqe të shumta në zonën rreth Rinasit, në autostradën Tiranë-Durrës, në Tapizë dhe në kryeqytet.
Mjaft persona me precedente dhe ata që mund të kenë dijeni për ngjarjen janë shoqëruar në komisariate ndërsa prokurorët e Krimeve të Rënda, Ndini Tavani dhe Kreshnik Ajazi po punojnë për të nxjerre në dritë më shumë detaje në lidhje me këtë grabitje të armatosur brenda në pistën e aeroportit të Rinasit në një nga avionat ku do dërgoheshin para jashtë vendit nga një bankë e nivelit të dytë.
Nuk dihet ende sesa është shuma e grabitur ndonëse janë përfolur deri tani shifra nga 2 deri në 10 milion euro.
Autorët e grabitjes të cilët kanë qënë 3 ose 4 ishin me një fugon të bardhe pa targa dhe me mbishkrimin “Hetimit Tatimor e të veshur me rroba ushtarake.
Mësohet se autorët janë ndihmuar edhe nga dy automjete të tjera për të kryer grabitjen.
Grabitesit dhe forcat e policise kane shkembyer zjarr per me shume se 1 km ne levizje drejt nje rruge qe te nxjerr drejt zones se nikles. Në urën e “ Zezës” autoret braktisën furgonin së bashku me shokun e tyre të vrare dhe dyshohet se levizën ne kembe. Pak minuta me vone policia gjeti nje makine tjeter te djegur ne zonen e Tapizës me te cilin dyshohet se janë larguar autorët.
