Devolli mohon krizën financiare, Fetollari merr postin e Stavri Nicës

Festim Fetollari është trajneri i ri i Devollit. Ashtu siç pritej pas largimit të Stavri Nicës, ekipi bilishtar ka gjetur pasuesin në krye të pankinës. Ka qenë vetëm klubi bardheblu që nëpërmjet një postimi në faqen zyrtare, ka njoftuar emërimin e Fetollarit në krye të skuadrës.përmes një postiminë faqen zyrtare të klubit, drejtuesit e Devollit bëjnë me dije se largimi i Nicës nuk lidhet me problemet financiare të cilat mohohen të kenë lidhje me Devollin. Sipas tyre Nica është larguar nga drejtimi i ekipit për arsye shëndetsore duke lënë në mes rrugëtimin e tij në kategorinë e parë me këtë ekip. Ditën e sotme , në një mbledhje të zhvilluar në ambientet e Bashkisë Devoll midis drejtuesve të klubit, ka firmosur zyrtarisht kontratën Festim Fetollari , i cili ka një eksperiencë të madhe në Kategorinë e Parë ku ka drejtuar skuadrën e Pogradecit. Fetollari tashmë do të jetë timonieri i ri i bilishtarëve dhe që në ndeshjen e parë do të duhet që të kthejë Devollin tek fitoret pas humbjes së shënuar në javën e fundit ndaj Apolonisë në shtëpinë e vet. Nga ana tjetër klubi përmes komunikatës në rrjete sociale sqaron se Devolli nuk ka asnjë problem të lidhur me financat por përkundrazi është treguar mjaft korrekt përsa i përket pagës mujore ashtu edhe në lidhje me premiot e fituara nga ekipi.