Detaje nga takimi Rama-Pompeo: SHBA, mbështetje e fortë e Shqipërisë
Në takimin që kryeministri Edi Rama zhvilloi të mërkurën në Uashington me sekretarin Mike Pompeo, Ambasada e SHBA-ve në Tiranë ka zbuluar ku u fokusuan në bisedën mes tyre.
Nëpërmjet një postimi në “Facebook”, ambasada nënvizoi se SHBA do ta mbështesë Shqipërinë në rrugën e saj drejt Bashkimit Evropian, si dhe për refromën në drejtësi dhe atë zgjedhore.
“Sekretari i Shtetit Michael R. Pompeo u takua me Kryeministrin e Shqipërisë Edi Rama dje në Uashingon. Sekretari Pompeo dhe Kryeministri Rama diskutuan mbi prioritetet e përbashkëta gjatë kryesimit të Organizatës për Siguri dhe Bashkëpunim në Evropë (OSBE) nga Shqipëria.”
Po ashtu, Sekretari i Shtetit përgëzoi kreun e qeverisë për angazhimin e palëkundur të qeverisë së tij për të ndarë barrën e detyrimeve në NATO, për luftën ndaj aktivitetit keqdashës të Iranit dhe për marrjen përsipër të një roli udhëheqës rajonal në mbrojtje të rrjeteve të komunikimeve të së ardhmes.
