DETAJE/ Mjeti i djegur në Vlorë, në pronësi të punonjësit të Kadastrës

Një makinë u përfshi nga flakët gjatë orëve të para të mëngjesit në qytetin e Vlorës. Automjeti është në pronësi të Ermal Hoxhës, punonjës i zyrës së Kadastrës.

Makina tip “Toyota” e cila ishte parkuar para shtëpisë së nëpunësit, është djegur pjesërisht. Policia dyshon se zjarrvënia mund të ketë qenë e qëllimshme.

Por 32-vjeçari ka mohuar që të ketë konflikte me persona të tjerë për shkak te punës dhe e lidh ngjarjen me problemet familjare.