Kreu i Komisionit Qendror të Zgjedhjeve, Ilirjan Celibashi njoftoi këtë të premte se vota e emigrantëve nuk do të mundësohet gjatë këtyre zgjedhjeve. Pavarësisht përpjekjeve të shumta dhe deklaratave të politikanëve, emigrantët nuk do të mund të votojnë në 25 prill.
“Për këto zgjedhje nuk do jetë e mundur vota e emigrantëve përfundimisht”, tha Celibashi.
Ai u bëri thirrje partive politike që të refuzojnë donacionet e dyshimta dhe t’u përmbahen rregullave gjatë fushatës elektorale.
“Të refuzojnë donacionet dyshuese, larg abuzimit me votë. Në rast identifikimi dhe verifikimi do marrim masa. Shpresoj të kenë vesh e të dëgjojnë”, deklaroi Ilirjan Celibashi.
