Të gjitha vendet kanë detyrimin të ndalojnë financimin dhe lehtësimin e veprimeve ushtarake të Izraelit në Gaza pasi Gjykata Ndërkombëtare e Drejtësisë në Hagë tha se ato veprime mund të jenë gjenocidale. Ky është qëndrimi i ministrit të i Jashtëm të Afrikës së Jugut , Naledi Pandor .
“Gjetjet e Gjykatës Ndërkombëtare besojmë e bëjnë të qartë se është e besueshme që një gjenocid po ndodh kundër popullit palestinez në Gaza”, tha ai.
Ai shtoi se kjo domosdoshmërishtimponon një detyrim për të gjitha shtetet që të ndalojnë financimin dhe lehtësimin e veprimeve ushtarake të Izraelit.
Gjykata Ndërkombëtare e Drejtësisë javën e kaluar urdhëroi Izraelin të marrë të gjitha masat në dispozicion për të parandaluar trupat e tij nga kryerja e gjenocidit dhe për të ndërmarrë hapa për të përmirësuar situatën humanitare të palestinezëve në Gaza. Çështja u soll para gjykatës nga Afrika e Jugut.
Megjithatë, gjykata nuk ka urdhëruar një armëpushim dhe ende nuk ka vendosur mbi pretendimet e paraqitura nga Afrika e Jugut nëse është kryer gjenocid në Gaza. Afrika e Jugut ka mbështetur kauzën palestineze për dekada të tëra, duke e krahasuar gjendjen e palestinezëve me atë të afrikano-jugorëve.
Izraeli mohon akuzat për gjenocid dhe kundërshton krahasimet me epokën e aparteidit. Pesë anëtarë të rinj në BRICS Ministri i Afrikës së Jugut tha gjithashtu se Egjipti, Etiopia, Irani, Arabia Saudite dhe Emiratet e Bashkuara Arabe kanë konfirmuar se po i bashkohen grupit të vendeve BRICS pasi u ftuan vitin e kaluar.
Pesë vendet morën ftesa së bashku me Argjentinën në samitin e gushtit në Johanesburg për t’u bashkuar me grupin BRICS të përbërë nga Brazili, Rusia, Kina, India dhe Afrika e Jugut. Anëtarët e grupit thonë se masa do të ndihmojë në riorganizimin e rendit botëror që ata e shohin si të vjetëruar./vizionplus.tv/
