Deputeti i PD, Klevis Balliu i bëri apel kryeministrit Rama që të bisedojë me banorët e Unazës së Re.
Nga Spitali Ushtarak, ku vizitoi protestuesit e lënduar në protestë, Balliu tha se banorët po nxirren padrejtësisht nga shtëpia për një tender korruptiv të qeverisë.
Duke shprehur keqardhje për banorët dhe efektivët e plagosur, deputeti i PD u shpreh më tej se Rama duhet të mbaj përgjegjësi.
Balliu theksoi se policët e kishin me aq nxitim që të arrestonin një protestues ndërkohë që për të kapur Klement Balilin dhe miqtë e këtij të fundit askush nuk nxiton.
“Përgjegjës për këtë ku përplasen qytetarë me polica, pasojat i marrin qytetarët, ndërkohë që Rama mbush xhepat. Janë shoqëruar disa persona. Drejtorat e policisë, ministri dhe Rama duhet të mbajë përgjegjësi. Protestuesi që u arrestua këtu është djali i zonjës që është në gjendje më të rëndë këtu. E kishin me kaq nxitim për të kapur një protestues dhe nuk nxiton asnjëri për të kapur balilin dhe miqtë e Balilit.”