Kriza që po jep pandemia duket se i ka kaluar edhe parashikimet që ka bërë qeveria në raport më të ardhurat në buxhet. Ministrja e Financave dhe Ekonomisë, Anila Denaj e ftuar në emisionin ekonomik E-zonë , në Vizion Plus tha se të dhënat e katër mujorit tregojnë për një minus në arkën e shtetit prej 19.1 mld lekë.
“Katër mujori ka dhënë një rezultat prej minus me 19.1 mld leke. Kur rishikuam buxhetin në muajin mars parashikuam një rënie me 20 miliardë lekë për gjithë vitin, por kjo është materializaur në këtë periudhë kohe. Ne do të rishikojmë aktin normativ në muajin qershor. Por është ende pak herët, pasi ne bëjmë analiza cdo javë . Deri në javën e parë të qershorit do të kemi një ide me të qartë të trajektores rënëse, në masën e saj të plotë dhe më pas do të reflektojmë ndryshimet në buxhet”, tha Denaj
Sa i përket situates ekonomike dhe parashikimeve pesimiste të Bankës Botërore, Fondit Monetarë apo Bankës Europiane, për Rindërtim dhe Zhvillim, ministrja thotë se skenari më negative që parashikon qeveria është se ekonomia shqiptare mund të shënojë një rënie deri në 5%. Por ekonomia jonë ka një varë si të madhe nga Italia, ndaj dhe renia është më e fortë se vendet e tjera.
“Ne varemi drejtpërdrejt nga ndikimi ekonomik dhe hapja e fqinjit tonë Italia, me të cilën kemi 60% të transaksioneve ekonomike. Jo të gjitha vëndet e rajonit kanë të njëjtë nndërlidhje, sic kemi ne me Italinë . Akoma hapja e ekonomisë italiane nuk është e garantuar dhe detyrimisht të gjitha ndërmarrjet tona që kanë transaksione me këtë shtet kanë efekt negativë . Askush nuk mund të godasë sot me versionin më të saktë . Ne në kalkulimet tona më pesimiste kemi marrë një version që është më afer atij të FMN. Më herët FMN është shprehur se ekonomia do të bjerë me – 5 %. Ne këtë ende se kemi finalizuar në buxhet, pasi jemi ende në fazë diskutimi. Ne aktin normativ të marsit, ne jemi me një rritje 2 %, gjë që normalisht nuk është më realiste“, deklaroi ministrja Denaj.
Denaj tha se se fondet për shpenzimet kapitale të nevojshme pë r të gjeneruar konsum nuk do preken, sidomos rindërtimi. Situata e pandemisë bëri që procesi i negocimit me qeveritë respektive lidhur me kushtet e kredive, që do përfitojë Shqipë ria, të spostohet në kohë për shkak të mbylljes së kufijve.
