Gjuha e ashpër e politikes dhe ajo mediatike e studiove televizive dhe portaleve ne Shqipëri, sipas kryeministrit Edi Rama, po reflektohet edhe ne Kosove. Duke marre shkas nga komentet e shumta pas nje interviste te tij ne nje televizion kosovar, Rama gjate komunikimit javor ne rrjetet sociale foli per dy demet qe Shqipëria i ka bere Kosovës.
“Shqiptareve u ka ardhur ne maje te hundes jo vetem nga politikanet qe nuk i perfaqesojne, qofte ne Shqiperi e qofte ne Kosove, por edhe nga analistet te cilet perfaqesojne vetem mikrobotën e tyre te mllefeve, padijes, thashethemeve, klikimeve, e qendrimeve kret siperfaqesore mbi problemet e sfidat reale te shoqerise sone. Shqipëria politike dhe mediatike i ka bërë dy dëme të mëdha Kosovës. E ka infektuar politikën dhe Kuvendin e saj me virusin e gjuhës së akuzave ekstreme, ku fjala kriminel thuhet më shpesh sesa fjala zotëri apo zonjë në komunikimin mes palëve. Po ashtu e ka infektuar edhe skenën mediatike të studiove dhe portaleve me virusin e një kulture linçimi me çdo kusht të përfaqësuesve politikë.”
Pjesa kryesore e mediave, portaleve dhe analisteve sipas shefit te qeverise jane kthyer ne nje parti politike qe ne vend qe te bëjnë oponencën e vendimmarrjeve, synojnë te lancojne kundërshtaret e tyre ne politike, apo biznes.
“Pjesa dërmuese e mediave dhe analistëve janë kthyer në parti politike që as votohet, as i jep llogari ndonjë votuesi dhe as nuk do t’ia dijë hiç fare se çfarë duan prej saj as dhe çfarë mendojnë për të votuesit shqiptarë. Të gjithë bashkë kanë braktisur detyrën e informimit të publikut. Janë bërë si një parti e çartur që financohet kryesisht me gjoba të paligjshme apo shërbime të padeklaruara ndaj të tretëve të interesuar për të nxitur lincimin e kundërshtarëve të tyre në politikë apo dhe biznes.”
Megjithatë, tha Rama raporti i opinionit publik me ketë parti qe ka korruptuar thelbin e misionit te medias është ne krize dhe talljes me publikun te këtyre analisteve po u vjen fundi.
