Një avion që transporton delegacionin rus për bisedimet e reja të paqes me Ukrainën është nisur sot nga Moska drejt Stambollit, sipas burimeve të cituara nga agjencitë ruse RIA Novosti dhe TASS.
Sipas burimeve diplomatike, këto janë bisedimet e para pas më shumë se shtatë javësh, dhe pritet të zhvillohen gjatë ditës së sotme në Turqi. Në delegacionin rus ndodhet edhe Vladimir Medinsky, i cili ka udhëhequr edhe raundet e mëparshme të bisedimeve në Stamboll.
Sipas të dhënave të faqes së ndjekjes së fluturimeve Flightradar24, avioni që përdoret nga Medinsky për udhëtime zyrtare ka fluturuar sot nga Moska drejt Turqisë.
Rusia dhe Ukraina kanë zhvilluar dy raunde të mëparshme bisedimesh në 16 maj dhe 2 qershor, të cilat çuan në shkëmbime të mëdha të robërve të luftës dhe të trupave të ushtarëve të rënë, por nuk ka pasur ndonjë përparim domethënës drejt një armëpushimi apo marrëveshjeje paqeje. Lufta mes dy vendeve ka hyrë në vitin e katërt dhe vazhdon pa ndonjë zgjidhje në horizont.
/vizionplus.tv
