Dalin disa nga pamjet e sulmit ku mbeti i vrarë ambasadori italian në Kongo, Luca Attanasio.
Në video shihen njerëzit që vrapojnë për t’i shpëtuar breshërisë së plumbave.
Grupet e armatosura ekstremiste, që veprojnë në zonën, e cila kufizohet me Parkun Virunga, shpesh veshin uniforma ushtarake për të krijuar konfuzion.
Një ditë më parë diplomati italian po udhëtonte me karvanin e ndihmave ushqimore të Organizatës së Kombeve të Bashkuara, kur u sulmuar nga disa persona.
Ambasadori u dërgua me urgjencë në spital, por ai nuk arriti t’u mbijetojë plagëve. Ndërkohë i vrarë mbeti edhe polici që e shoqëronte.
Sipas zyrtarëve të Republikës Demokratike të Kongos, sulmi besohet të ketë qenë një përpjekje rrëmbimi.
VIDEO E SULMIT:
