Deklarata e SHBA për zgjedhjet, Hajdari: E privilegjuar që udhëheq reformën

Kryetarja e grupit të ri parlamentar të opozitës në Kuvend, Rudina Hajdari, ka përshëndetur deklaratën e ambasadës amerikane në lidhje me zgjedhjet e 30 qershorin, që vinte theksin te Reforma Zgjedhore.

Në reagimin e saj Hajdari është shprehur se Reforma Zgjedhore është një fitore për atë pjesë të opozitës që ruajti vlerat e demokracisë para bashkëatdhetarëve dhe ndërkombëtarëve.

“Përshendesim deklaratën e Ambasadës të Shteteve të Bashkuara të Amerikës për mbështetjen absolute të Reformës Zgjedhore. Reforma Zgjedhore është një fitore për atë pjesë të opozitës që ruajti vlerat e demokracisë përpara bashkëatdhetarëve dhe partnerëve ndërkombëtarë, duke treguar vendosmëri për të respektuar shtetin e së drejtës dhe institucionet e tij, si dhe duke mos braktisur elektoratin dhe parimet demokratike.  Ndihem e privilegjuar dhe krenare që do ta udhëheq këtë reformë për tu dhënë demokratëve sistemin më të mirë të përfaqësimit, në mënyrë që të avancojmë drejt rrugës Europiane.”