Një program i inteligjencës artificiale i krijuar nga kompania e re kineze DeepSeek ka tërhequr vëmendje në mbarë botën duke trazuar tregjet ndërkombëtare të aksioneve dhe ka ndezur debate të shumta mbi konkurrencën ekonomike dhe gjeopolitike mes Shteteve të Bashkuara dhe Kinës.
Programi i kësaj kompanie u bë të hënën aplikacioni nr. 1 i shkarkuar në telefonat iPhone të kompanisë Apple, i nxitur nga kurioziteti për këtë konkurrent të ChatGPT.
Lexo edhe :
Shqetësimet lidhen me idenë se kompania kineze mund të arrijë kompanitë amerikane në krye të novacionit për inteligjencën artificiale, me shumë më pak kosto.
Kjo do të vendoste në pikëpyetje shumat e mëdha të parave që kompanitë e teknologjisë amerikane thonë se planifikojnë të shpenzojnë në zhvillimin e inteligjencës artificiale.
Presidenti Donald Trump tha se teknologjia e kompanisë së re kineze DeepSeek duhet të veprojë si nxitje për kompanitë amerikane.
“Prezantimi nga DeepSeek, i inteligjencës artificiale nga një kompani kineze, duhet të shërbejë si një thirrje për industritë tona, që ne duhet të jemi të përqendruar për të konkurruar për të fituar”, tha Donald Trump, president i SHBA-së.
Kompania DeepSeek u themelua në vitin 2023 në Hangzhou në Kinë dhe nxori modelin e saj të parë të inteligjencës articiale në të njëjtin vit. DeepSeek filloi të tërhiqte më shumë vëmendjen kur muajin e kaluar kur nxori një model të ri të inteligjencës artificiale, për të cilin tha se është në të njëjtin nivel me Chat Gpt por me nkosto shumë më të ulët./vizionplus.tv
