Kreu i Lëvizjes Bashkë, Arlind Qori, i ftuar këtë të enjte në studion e Quo Vadis të moderatores Pranvera Borakaj, ka folur mbi debatin e fundit mes kryeministrit Edi Rama dhe gjyqësorit për rritjen e pagave.
Sipas tij, kjo është një farsë e sajuar nga Rama për të larguar vëmendjen nga problemi real që ka Shqipëria, siç është korrupsioni.
Sipas Qorit, edhe vizitat e Ramës jashtë vendit kanë për qëllim të largojnë vëmendjen e qytetarëve nga problemet reale.
Pjesë nga biseda:
Borakaj: Pro apo kundër rritjes së pagave?
Qori: T’i them armës “prestigjator” kam frikë se i rris vlerat. Dua ta quaj mashtrues, si ata që mashtronin qytetarët me tre letra. Thelbi është që sytë e qytetarëve të mos rrinë te korrupsioni, por te çdo çështje e mundshme tjetër. Ai kërkon të na heqë vëmendjen.
Borakaj: Nga çfarë?
Qori: Nga korrupsioni. Para dy javësh shpiku një debat nga hiçi me një kolegun tuaj. Është i gatshëm të shpikë gjithçka, vetëm që qytetarët të mos flasin. Edhe vizitat e tij nëpër botë janë një mënyrë për të hequr vëmendjen. Tamam si ai fajtori që të bombardon me fjalë për çdo problem, vetëm për atë problem që është real nuk flitet.
