Mbledhja e Këshillit Politik, e cila po vijon ende mes palëve qysh prej orës 18.00, po shoqërohet me debate të forta mes palëve. Burimet thonë se tonet i kanë ngritur përfaqësuesit e PD-LSI, të cilët akuzojnë mazhorancën se po tenton të bëjë ndryshime të njëanshme për favore.
“Ju jeni të pashpresë. Po injoroni rekomandimet e ODHIR, kanë kërkuar mosabuzim me burimet shtetërore. Ju po përdorni ndryshimin e njëanshëm të ligjit për favore. Në 2013 erdhët në pushtet me krimin, ndërsa në 2016 kanabizuat vendin. Hapja e listave duhet të shqyrtohet nga Këshilli Politik”, mësohet t’i jetë drejtuar opozita Damian Gjiknurit.
Më herët opozita jashtëparlamentare propozoi një amendament për hapjen e listave të kandidatëve 100%. Ajo kërkoi që të bëhet vetëm një ndryshim: “Në nenin 68 të Kushtetutës, fjalia e tretë, e pikës 1, shfuqizohet.”
