De Mistura: Palët në konfliktin sirian kanë një përgjegjësi historike

Palët luftuese siriane kanë një përgjegjësi historike dhe mundësinë t’i japin fund luftës që shkatërron vendin e tyre prej gjashtë vitesh, deklaroi sot i dërguari i OKB-së, Staffan de Mistura gjatë një ceremonie zyrtare para fillimit të bisedimeve për paqe në Gjenevë.

“Ju keni mundësinë dhe përgjegjësinë historike që t’i jepni fund këtij konflikti të përgjakshëm”, theksoi De Mistura që shprehej para vëllezërve armiq sirianë, delegacioni i regjimit të Damaskut dhe opozita, përballë në të njëjtën sallë të Pallatit të Kombeve të OKB-së.