Ricky Martin ishte plot surpriza ne “The Ellen DeGeneres Show” . Ylli i muzikës latine ka deklaruar gjithashtu se ai është fejuar me Jwan Yosef pas më shumë se një viti lidhje me të. “Ai është një artist konceptual kurse unë një koleksionist. Në kërkimet e mia artistike u njoha me punët e tij dhe u çmenda, sepse unë dashuroj çfarë ai bën. Shumë origjinal”, është shprehur Martin duke shtuar më tej se ka qënë vetë ai që e ka kontaktuar. “Dhe më pas ti e bëre pjesë të koleksionit tënd,” ka bërë shaka Ellen DeGeneres. “Në fakt ai e bëri,” është përgjigjur Martin duke thënë se: “Ne sapo jemi fejuar. Jam duke djesitur”.
Martin ishte nervos kur propozoi. “U ula në gjunjë dhe nxorra kutinë e vogël të metalit. E kisha futur në një qese të vogël kadifeje dhe në vend që të thoja “A do të martohesh me mua?’”, thashë: “Të kam marrë diçka!” – tha këngëtari. “Ai mbeti pa fjalë…. Dua të kaloj gjithë jetën time me ty. Ai mbeti sërisht pa fjalë. Cila është pyetja?” – më tha. “A do të martohesh me mua? Kjo është.” Ai e përshkroi propozimin si “shumë të bukur” edhe pse Yosef-it ju deshën 30 minuta që të thoshte: “Po”. “Jam shumë e lumtur për ty,” – DeGeneres i tha Martin. “Ti e dëshiroje këtë.”
