Ethet e eliminimit dhe gara për trofeun e madh, që riktheu në teatrin e kërcimit 12 personazhe VIP, sa vjen e bëhet më e fortë.
Emocionet e sfidës nisin të penalizojnë konkurrentët, e pikërisht këtu një nga personazhet do të duhet të ndërpresë garën e kërcimit.
Dhe ashtu sikurse kërkon formula, një nga yjet largohet nga gara për çmimin e madh. Rike Roçi eliminohet pasi doli ne dance off me Kristi Popen, qe u shpëtua unanimisht nga juria.
Për bukuroshen që do t’i mungojë teatrit të kërcimit kjo ka qenë një përvojë sa e vështirë aq edhe e bukur.
Të premten e ardhshme në teatrin e kërcimit në Vizion Plus do të performojnë 10 çifte.