Dalin pamjet nga vendi ku u vra me armë zjarri paraditen e kësaj të shtune biznesmeni në Himarë, Niko Goro.
E plagosur nga ky atentat ka mbetur edhe motra e Goros. Ndërkohë, policia bëri të mundur kapjen e autorit të dyshuar të vrasjes. Në pranga u vu Kliti Leka, 53 vjeç, banues në Tiranë.
Po ashtu, u sekuestruan arma e dyshuar e krimit dhe automjeti me të cilin u largua autori.
Grupi hetimor nën drejtimin e Prokurorisë po punon për sqarimin e rrethanave të ngjarjes dhe përcaktimin se me cilën prej armëve të sekuestruara, autori ka kryer krimin.
Më poshtë është edhe fotoja e viktimës.
