Pavarësisht apelit të faktorit ndërkombëtar drejtuar Serbisë për të ndaluar fushatën kundër pavarësisë së Kosovës, ministri i Jashtëm serb Ivica Daçiç deklaroi se Gana kishte tërhequr njohjen si shtet I pavarur.
Sipas tij Gana është vendi i 16-të që kthen mbrapsht vendimin.
IVICA DAÇIÇ
MINISTER I JASHTEM I SERBISE
Gana është vendi më i madh i cili ka bërë tërheqjen e njohjes së Kosovës, me një popullsi prej 30 milionë, trefishi i madhësisë së Serbisë. Gana ka marrë vendimin për tërheqjen e njohjes së Kosovës, se e konsideron vendimin e qeverisë së mëparshme të Ganës për ta njohur Kosovën si një shtet të pavarur të gabuar dhe se ajo arriti në një shkelje të Kartës së Helsinkit dhe Rezolutës 1244.
Daçiç, tha se Gana është një vend me ndikim të madh politik dhe për pasojë do të ndikojë tek vendet e tjera.
IVICA DAÇIÇ
MINISTER I JASHTEM I SERBISE
Nuk ishte e lehtë të merresh me një vendim të tillë. U deshën një vit e gjysmë takimesh të vazhdueshme. Ministri i Jashtëm ganian vizitoi Serbinë, presidenti gjithashtu foli me të në Neë York. Unë isha në Gana dhe pas një pune të gjatë erdhi ky vendim.
Menjëherë ka reaguar Ministria e Jashtme e Kosovës që e cilëson si gënjeshtër lajmin për tërheqjen e njohjes nga Gana.
JETLIR ZYBERAJ
KESHILLTAR, MINISTRIA E JASHTME E KOSOVES
Është një propagandë e vazhdueshme dhe një fushatë e ndyrë nga Ivica Daçiq dhe është e kotë të humbësh kohë me të. Çdo anëtar i Kombeve të Bashkuara mbështet dialogun midis Kosovës dhe Serbisë. Shumica e vendeve anëtare të OKB-së kanë votuar në vitin 2010, rezolutën e Asamblesë së Përgjithshme të që fillojë dialogu ndërmjet Kosovës dhe Serbisë.
Më 23 janar të vitit 2012 Gana e njohu Kosovën si shtet të pavarur e më pas, të dy vendet vendosën marrëdhënie diplomatike.
