Policia e Tiranës dha detaje në lidhje me operacionin antidroge të zhvilluar pasditen e kësaj të marte ku u sekuestrua kokainë.
Operacioni policor i koduar “Chivas Regal” bëri të mundur sekuestrimin e 1 kg e 32 gram me lëndë narkotike kokainë.
Mirëpo bën më shumë përshtypje se në makinën e shtetasit Haxhi Mykaj janë gjetur 39 thika.
Policia sekuestroi edhe automjetin e 44 vjecarit.
Ky shtetas, banues në Tiranë, u kap në flagrancë në rrugën “Azem Galica” Paskuqan, e më pas gjatë kontrollit të automjetit me të cilin qarkullonte, sherbimet e Policisë gjetën dhe sekuestruan kokainën dhe thikat.
