Ministri i Brendshëm, Bledi Çuçi ka zhvilluar paraditen e kësaj të mërkure një takim me homologun e tij austriak, Karl Nehamher. Ky i fundit iu shprehu ngushëllimet familjarëve të policit Saimir Hoxha që u vra dje nga një 21-vjeçar. Më pas , ai vuri theksin te rëndësia për forcim të bashkëpunimit në luftën e përbashkët kundër krimit të organizuar dhe terrorizmit.
“Patëm biseda shume të frytshme me njëri tjetrin. Duan t’i shpreh ngushëllimet familjes së policit të vrarë dje, dhe po i shpreh ngushëllimet e mia më të sinqerta. Ministri i Brendshëm më informoi për ngjarjen dje. Ne folëm për bashkëpunimi policor. Ramë dakord për projekte të përbashkëta. Ramë dakord dhe për programet e trajtimit për njësitë speciale. Një forcim të bashkëpunimit me luftën e përbashkët për të luftuar krimin e organizuar dhe terrorizmin. Ne në këtë kuadër Shqipëria është një partner i rëndësishëm strategjik, i gëzohet edhe pjesëmarrjes së Shqipërisë në luftën kundër emigracionit të paligjshëm, i gëzohemi një bashkëpunimi dhe fushe të përbashkët”, tha ai.
Nga ana tjetër, Çuçi tha se Shqipëria është një partner i besueshëm sa i përket fushës së sigurisë, dhe se lufta kundër kanabisit ka arritur majat.
“Besoj se sot policia shqiptare për sa i takon fushës së sigurisë është një partner i besueshëm i gjithë vendeve Europiane. Kemi operacione të përbashkëta me policinë europiane, gjermane, austriake me më shumë se 10 vende konkrete për të luftuar emigracionin e jashtëligjshëm…SHÇBA bën punën e saj para ligjit, mos merruni me këtë çështje, sot do të përcjellim Dëshmorin e Atdheut. E keni gabim, statistika ka, botohen çdo muaj. Kemi statistikat që publikohen periodikisht bashkë me partnerët tanë. Lufta kundër fenomenit të kultivimit të kanabisit ka shënuar majën, e tregojnë shumë këtë.”
