Për vitin e dytë radhazi, festimet e ndërrimit të viteve kushtëzohen nga pandemia e Covid. Disa vende kanë vendosur masa të ashpra për të parandaluar përhapjen e virusit, ndërsa disa të tjerë kanë vendosur t’i lehtësojnë ato qytetarët.
Në vendin tonë, ndryshe nga një vit më parë, këtë vit,masat anti covid janë lehtësuar. Pak dite me pare komiteti teknik i ekspertëve vendosi, që natën e ndërrimit të viteve të mos ketë orë policore.
Ndërkohë në Kosovë, qytetarët do të presin me kufizime natën e fundit të vitit. Ministria shëndetësisë ka bërë të ditur se masat do të mbeten në fuqi. Lëvizja e qytetarëve lejohet nga ora 05:00 e mëngjesit, deri në mesnatë. Restorantet do të lejohen të punojnë deri në orën 23:00, ndërkaq muzika duhet të ndalet në orën 21:30 minuta
Greqia ka vendosur që vetëm për natën e Vitit të Ri, restorantet e baret do të jenë të hapura deri në orën 2 të mëngjesit, në një tavolinë nuk duhet të ketë më shumë se gjashtë persona. Por pas orës 12 do të ndalohet muzika.
Në Zvicër, festimet private mund të kenë nga 30 persona brenda dhe 50 persona jashtë nëse të gjithë në grup janë plotësisht të vaksinuar. Nëse është i pranishëm të paktën një person i pavaksinuar, atëherë numri maksimal i të lejuarve është 10.
