Një gol, pak fat por qe nuk largon hijet e krizës. Reali i Madridit arriti te kalonte vetëm ne fund pengesën Leganes ne sfidën e pare te vlefshme per çerekfinalet e kupës se mbretit, nje eksluzivitet i platformës Tring.
Ne stadiumin Municipal De Butarque, skuadra e Zinedin Zidan vuajti shume përballe formacionit nga rrethinat e Madridit, por arriti te fitonte 1-0 fale talentit Marco Asencio. Te ndihmuar nga tifozët e tyre, vendasit u munduan te kontrollonin lojën, duke shfrytëzuar edhe faktin se Reali jo vetëm ishte pa treshen kryesore te sulmit dhe me lojtaret big ne bankine, por edhe se vjen nga nje situate aspak pozitive, ku mungonte fitorja ne tre sfidat e fundit.
Pas nje pjese te pare te mbyllur me rrjeta te paprekura, edhe me fillimin e te dytës rasti i pare i takoi Leganes qe u fut ne fushe me qëllimin per te ushtruar sa me shume presion drejt portës kundërshtare. Skuadra e tekniku Garitano tentoi disa here me Naranjo dhe Buvo, por pa arritur te mposhte portierin Casilla, ndërsa ne nje moment preku edhe traversën.
Por atëherë kur mendohej se ky takim do te mbyllej me rrjeta te paprekura, ne minutën e 89 ishte Marco Asencio shfrytëzoi mjaft mire nje pasim te Teo Hernandez, duke befasuar portierin Champagne. Goli erdhi ne momentin me te mire per Realin duke mos i dhëne kohe Leganes per te reaguar. Takimi i kthimit do te luhet te mërkurën e ardhshme ne Santiago Bernabeu ne orën 21-30.
