Dee Devlin, gruaja e Conor McGregor, ka thyer heshtjen e saj pothuajse një javë pasi ish-kampioni i dyfishtë i UFC-së në peshën e lehtë, u dënua për sulm seksual ndaj një gruaje në një hotel në Dublin në vitin 2018. Luftëtari më i famshëm i MMA-së duhet t’i paguajë 248.000 euro viktimës, Nikita Hand.
Disa kompani dhe sponsorizime të McGregor janë ndarë plotësisht nga luftëtari i UFC-së pas shpalljes së dënimit. Megjithatë, gruaja e tij, Dee Devlin, beson se McGregor është i pafajshëm dhe sulmon ashpër viktimën.
“Unë dhe burri im kemi krijuar një jetë të bukur së bashku. E dua dhe e besoj”,- komentoi çifti në një postim në Instagram. “Katër fëmijët tanë të bukur, fytyrat e buzëqeshura dhe zemrat e lumtura, të të cilëve janë dëshmi e burrit që ai është dhe kush jemi ne!
Askush nuk ka të drejtë të komentojë për marrëdhënien tone, ne i besojmë njëri-tjetrit dhe e duam njëri-tjetrin. Asgjë dhe askush nuk do të ndryshoje atë, familja jonë mbetet e fortë!”
View this post on Instagram
“Imagjinoni një grua, me të dashurin dhe djalin e saj, duke i dërguar mesazhe fotografive provokuese të saj burrit të një gruaje tjetër, me një familje dhe një djalë rrugës. Kjo grua pretendon se më njeh, por ajo ende vazhdon dhe i dërgon mesazhe dhe foto të saj pa pushim hapur me burrin tim”,- ka vazhduar të shpjegojë ajo përmes Instagramit të saj.
“Gjithë kohën jashtë në një dhomë hoteli, duke kërcyer në parkingun e një hoteli. Çfarë lloj gruaje je ti! Fëmijët e mi do të paralajmërohen, se gratë si ju ekzistojnë. Kamerat e sigurisë nuk gënjejnë,”- shprehet ajo.
Për habinë e të gjithëve, Dee Devlin mban anën e agresorit në vend të viktimës. Për më tepër, çifti sqaroi se ata tashmë e kishin zgjidhur këtë çështje me McGregor në të kaluarën.
“ Këto probleme unë dhe Conor i kemi trajtuar privatisht shumë vite më parë, ashtu siç duhet në një lidhje dhe kemi dalë më të fortë se kurrë. Kush nuk mëkaton le të hedhë gurin e parë”, tha ajo.
UFC, promotori që bëri të njohur luftëtarin irlandez, nuk ka komentuar këtë çështje dhe hesht. Conor McGregor është ende një luftëtar konkurrues dhe planifikon të luftojë përsëri vitin e ardhshëm.
