Cikalleshi nuk di të ndalet në Turqi

Sokol Cikalleshi është duke përjetuar një moment shumë të mire të karrierës së tij. Sulmuesi kavajas realizoi sërish në kampionatin turk. Në sfidën e javës së 32 skuadra e tij Akhisar mundi 3 me 0 në shtëpi  Alaniaspor, në një ndeshje ku sulmuesi i kombëtares kuqezi luajti titullar për 90 minuta. Vendasit kaluan në avantazh ne minutën e 11 me anë të Miguel Lopez. Për të dyfishuar shifrat duke vënë në duar të sigurta tre pikët në këtë përballje, mendoi pikërisht Cikalleshi i cili në minutën e 68 falë një pasimi të marrë nga Adin, arriti të dyfishojë rezultatin. 6 minuta para fundit Hurmaci shënoi edhe golin e trete. Dy javë para fundit, Akhisar renditet ne vendin e 7 me 45 pikë ndërsa Cikalleshi shënoi golin e  6 ne 10 paraqitjet e fundit si titullar tek ky ekip. Pas një pjesë të parë sezoni shumë të dobet ku ai nuk preferohej titullar, në muajt e fundit Cikalleshi është kthyer ne një lojtar kyç për Akhisar e po ashtu shpresë për kombëtaren kuqezi në prag të ndeshjes me Izraelin.