Charlize Theron është një nga gratë më të bukura në botë, por edhe asaj i ka shkaktuar depresion pamja e jashtme. Aktorja ka zbuluar se ka kaluar momente të këqija kohët e fundit, pasi u shëndosh për filmin e saj të ri, “Tully”.
Afrikano-jugorja tha se në ndryshim nga koha kur ka qenë e re, shtimin në peshë për një rol në film e ka përjetuar shumë keq.
“Ishte e tmerrshme në të gjitha aspektet. E ndjeva me të vërtetë shumë. Sheqeri më futi në depresion. Më vinte për të vjellë gjatë gjithë kohës, nuk humbja dot më peshë. I thoja doktorit tim se isha duke vdekur”.
