CHAMPIONS/ Frikë për sigurinë në Paris? Policia franceze u përgjigjet shqetësimeve të Barcelonës

Barcelona do të udhëtojë drejt Parisit mes tensioneve sociale që kanë përfshirë Francën, por autoritetet franceze kanë garantuar se situata nuk do të ndikojë në qëndrimin e skuadrës katalanase apo në zhvillimin e ndeshjes së Ligës së Kampionëve.

Pas protestave të dhunshme, të shoqëruara me zjarre, plaçkitje dhe mbi 2 mijë arrestime, masat e sigurisë në kryeqytetin francez pritet të jenë më të forta.

Sipas raportimeve, policia franceze ka komunikuar me përfaqësuesit e Mossos d’Esquadra, duke i siguruar se vizita e Barcelonës do të zhvillohet normalisht dhe se nuk ka arsye për të vënë në dyshim zhvillimin e takimit.

Skuadra katalanase pritet të mbërrijë në Paris të hënën pasdite, një ditë para sfidës së rëndësishme evropiane.

Pavarësisht situatës së tensionuar në vend, autoritetet franceze synojnë të garantojnë qetësinë dhe sigurinë për ekipin, stafin dhe të gjithë të përfshirët në organizimin e ndeshjes.