Tuba Büyüküstün është një emër shumë i njohur për publikun shqiptar, ndonëse ky i fundit e identifikon më së shumti me emrin e Elifit në telenovelën ‘’Diamantë dhe dashuri” dhe të Syhanit në ‘’Xhesuri dhe e Bukura”. Aktorja bukuroshe ndodhet momentalisht në Los Angeles, ku po përfaqëson momentalisht Turqinë në Festivalin Ndërkombëtar të filmit të Azisë.
Por, gjatë këtij evenimenti, Tuba ka pasur nderin të takojë dhe një prej divave të kinemasë, aktoren Angelina Jolie. Dy aktoret janë takuar pas shfaqjes së filmit “First They Killed My Father”, me regji të Jolie, por sigurisht takimi nuk ka qenë rastësor.
Ashtu siç dihet, Jolie njihet për aktivitetet e saj të bamirësisë e po kështu edhe Tuba, e cila është shpallur ambasadore nderi e UNICEF. Dy yjet e filmit kanë folur për kinemanë dhe përgjegjësinë sociale.
Në të shkuarën, ato të dyja kanë vizituar kampet e refugjatëve në Turqi dhe Jordani për të tërhequr vëmendjen e mediave dhe autoriteteve ndaj situatës së fëmijëve në to. Më poshtë do të gjeni edhe fotot nga ky takim: