Çfarë ndodhi me autobusin e tifozëve të Partizanit?

Një autobus është përfshirë nga flakët gjatë mesnatës në aksin nacional Elbasan-Tiranë duke u shkrumbuar totalisht.

Autobusi ka marrë flakë në ecje ndërsa në të udhëtonin 30 pasagjerë të cilët ishin tifozë të Partizanit.

Si pasojë e flakëve nuk pati persona të lënduar. Në vendngjarje kanë shkuar menjëherë forcat zjarrëfikëse duke bërë të mundur neutralizimin e flakëve.

Ndërkohë nuk dihet shkaku i shpërthimit të flakëve në autobus, ndërsa mësohet se dy janë pistat kryesore ku po hetohet: E para ajo e një defekti në motor ndërsa e dyta ajo e një manovrimi të gabuar nga ana e shoferit.

Drejtuesi I autobusit është shoqëruar në polici dhe po merret në pyetje në lidhje me ngjarjen.