Në Njësinë 10 në Tiranë, ku është pilotuar votimi elektronik, rezultati do të dalë në datën 26 prill, në orën 08:00.
Ky vendim, sqaroi Komisioneri Shtetëror i Zgjedhjeve, Ilirjan Celibashi, u mor që të mos ndikojë në procesin e numërimit në vendnumërimet e tjera.
Në studion e “Zgjedhje 2021” në “Vizion Plus”, Celibashi deklaroi se rezultati mund të dalë edhe më herët.
“Rezultati mund të shpallet më herët se ora 8, nga pikëpamja teknike, mund të dalë para mesnate. Por me qëllim që të mos kishte asnjë ndikim si për mirë, ashtu edhe për keq, në procesin e numërimit, vendosëm orën 8 të ditës së nesërme. Kjo sepse deri në atë orë ka përfunduar transferimi i kutive dhe ka filluar numërimi. Është një zgjidhje në konsultim me partitë politike.”
