Sanksionet turke kundër Holandës janë një mundësi nëse autoritetet atje nuk do të lejojnë ministrin e Jashtëm turk, Mevlut Cavusoglu që të zhvillojë një takim elektoral në Roterdam, deklaroi sot ky i fundit.
“Sot do të shkoj në Roterdam”, deklaroi Cavusoglu për CNN Turk.
Ai po zbaton axhendën personale pavarësisht një ndalimi nga autoritetet lokale holandeze për takimin e sipërcituar elektoral.
Këtë javë, Cavusoglu u takua me homologun e tij gjerman, Sigmar Gabriel, në një përpjekjee për përmirësimin e marrëdhënieve, pasi disa qytete gjermane ndaluan ministrat turq nga zhvillimi i tubimeve elektorale.
Ankaraja është irrituar së tepërmi nga të tilla vendime.
Këto takime elektorale bëhen për referendumin për kushtetutën turke, që do t’i japë më shumë kompetenca presidentit Recep Tayyip Erdogan.
Në Evropë jetojnë miliona turq me të drejtë vote në vendin e tyre.
