Lumi Seman ka dalë nga shtrati gjatë natës, duke shkaktuar përmbytje në fshatin Hasturkas të Libofshës. Si pasojë, rreth 20 banesa janë përfshirë nga uji, ndërsa janë dëmtuar edhe toka bujqësore.
Sipas burimeve nga zona, shkak i situatës është çarja e argjinaturës mbrëmjen e djeshme, e cila bëri që uji të depërtojë me shpejtësi drejt tokave bujqësore dhe më pas në zonën e banuar. Banorët janë përballur me vështirësi gjatë natës, ndërsa në disa raste është dashur ndërhyrje për të shpëtuar orenditë dhe bagëtitë.
Autoritetet lokale ndodhen në terren dhe po vlerësojnë dëmet, ndërsa pritet ndërhyrje për përforcimin e argjinaturës dhe menaxhimin e situatës.
/vizionplus.tv
