Nënkryetari i partisë demokratike Oerd Bylykbashi u bën apel të gjithë qytetarëve të dalin në protestë në 7 korrik për të reaguar së bashku kundër një qeverie, e cila sipas tij po i vjedh shqiptarët.
Në një intervistë për vizion plus Bylykbashi ka theksuar se kauzat për të cilat partia demokratike ka thirrur protestën janë kauza të të gjithë qytetarëve shqiptarë; duke nisur nga bordet komuniste që përcaktojnë çmime, tek taksat e larta, tek mungesa e mbështetjes për shtresat në nevojë e deri tek korrupsioni i pushtetarëve.
OERD BYLYKBASHI
NËNKRYETAR I PD
“Sigurisht që ne jemi ty për të udhëhequr këtë pakënaqësi të qytetarëve dhe protesta është pikërisht një këmbanë e fortë për ti thirrur të gjithë drejt nevojës për ta ndrshuar këtë regjim kleptokratik dhe oligarkik. Qytetarët sot po vuajnë në të gjitha aspektet, qeveria po I vjedh po I grabit ditën për diell me mekanizma si këto bordet e transparencës që janë vendosur për të grabitur shqiptarët, ndërkohë që qeveria rezulton me fitim, merr para nga taksat për shkak të cmimeve të rritura nga qytetarë që varfërohen përditë e më shumë, po vendos sisteme taksimi edhe mbi shtresën e mesme, mbi biznesin, pra po I varfëron të gjitha shtresat.”
Për nënkryetarin e PD, Bylykbashi 7 korriku është momenti kur edhe deputetët e partisë demokratike duhet të bashkohen për të qëndruar në krah të qytetarëve.
“Të gjithë ne e kemi për detyrë që të bashkohemi në këtë sfidë të madhe për të rrëzuar edi ramën. Kështu që unë mendoj që është një moment shumë I mirë që të gjithë të kuptojnë që bashkohemi me qytetarët, bashkohemi së bashku, objektivin e kemi të përbashkët për të bërë një opozitë të fortë dhe të vërtetë dhe 7 korriku është një moment për gjithëkënd që të tregoje se ne jemi me zgjedhësit, nuk jemi me interesat.”
48 deputetë të Partisë Demokratike janë shprehur pro protestës pavarësisht nëse e mbështesin apo jo Sali Berishën në krye të forcës më të madhe të opozitës. Të vetmit që janë deklaruar kundër saj janë Enkelejd Alibeaj, Gazment Bardhi dhe Ferdinand Xhaferraj.
PD: DO RREZOJME EDI RAMEN
BYLYKBASHI: NE 7 KORRIK NIS OPOZITA E VERTETE
