Ministri për Evropën dhe Punët e Jashtme Ditmir Bushati reagon për herë të parë për ngjarjet e Bularatit duke thënë se Shqipëria I ka kryer më së miri detyrat e saj shtetërore. Bushati I bën thirrjeve organeve kompetente të zbardhin me qetësi dhe profesionalizëm gjithcka ka ndodhur këto ditë në këtë fshat ndërsa thotë se edhe në demokracitë më të zhvilluara, cdokush që vë dorë mbi policinë duhet të presë reagimin e forcave të rendit.
Besoj se nga pikëpamja e detyrave shtetërore ne i kemi kryer ato detyra nji më nji dhe për incidentin fatkeq në Bularat. Shpresoj shumë që prokuroria, policia, organet hetimore ta thonë fjalën e tyre me profesionalizëm dhe ne ti krijojmë mundësi që ata të shprehen me profesionalizëm për çka ka ndodhur në Bularat, për rrethanat e humbjes së jetës. Një gjë e dimë të gjithë që po vure dorën mbi polici,kudo qofsh nga demokracitë më të zhvilluara apo vendet më problematike, dihet se cili duhet të jetë reagimi dhe përgjigja e forcave të rendit.
Mëtej Ministri Bushati pohon se edhe shfaqjet e koreve dhe parrullave ekstremiste gjatë varrimitg në Bularat I dëmtojnë marrëdheniet mes dy vendeve pavarësisht se sipas tij, ai grusht njerëzish që krijojnë tensione në Bularat nuk përfaqësojnë popullin grek.
Së dyti, nëse i referohemi ngjarjes së djeshme ku pamë një shpërfaqje të një ekstremizmi dhe parullave të cilat në thelb dëmtojnë miqësinë mes vendeve tona, mes Shqipërisë dhe Greqisë. Dhe në këtë pikë mund të them që shrpesoj që policia, forcat e rendit të bëjnë punën e tyre me seriozitetin maksimal dhe të gjithë ata njerëz të cilët kanë konsumuar akte të kundraligjshme të ndiqet rruga ligjore. Detyra jonë është që të mos biem në kurthin që identifikojmë një grup ekstremistësh me popullin grek, i cili në ditë të vështira dhe në ditë të lumtura ka qenë aty krah për krah me ne.
