Bayerni i Mynihut e nis me këmbën e mbare Bundesligen. Skuadra e Ancelotit mundi 3 me 1 ne “Allianz Arena” Bayer Leverkusen, ne sfidën e pare ku bavarezet nisin zyrtarizisht mbrojtjen e titullit kampion. Pak ditë pasi fitoi Superkupën e Gjermanisë me 11-metersha ndaj Dortmund, Bayerni i Munihit u paraqit më mirë në ndeshjen e parë të Bundesligës, ku më së shumti spikaten blerjet e reja Sule, Rudi dhe Tolizo.
Goli i parë i shënuar pas vetëm 10 minuitash lojë është pikërisht një gol i gjithi i talenteve të rinj që iu bashkuan bavarezeve ne vere. Goditje dënimi e Rudit dhe Sule me kokë mposhti portierin Leno. Vendasit vijuan dominimin e lojës dhe për pasojë erdhi dyfishimi i rezultatit me autor Toliso, sërish me një gjuajte me koke.
Miqtë nuk dorëzohen dhe reagojnë fillimisht me Voland gjuajtja e të cilit gjen reagimin e portierit Ulraich, i cili në fund të pjesës së parë bën një gafe që nuk shfrytëzohet nga Leverkusën. Shiu dhe fortuna bëjnë që pjesa e dytë të nis me 15 minuta vonesë, por në start miqtë i shkojnë sërish afër golit me Bellarabi. Por në momentin më të mirë të Leverkusën, ai që është shënoi është sërish Bayerni i Mynihut.
Levandovski rrezohet në zonë nga Aranguiz dhe 11-metershi caktohet në sajë të teknologjisë Var. Nga pika e bardhe polaku nuk gabon. Thjesht për statistike, goli i Admir Mehmedit për miqtë në minutën e 65.
