Qindra protestues u mblodhën të mërkurën në stacionin policor të Brukselit, pas vdekjes së 23-vjeçarit me origjinë afrikane, Ibrahim Barrie, i cili vdiq rreth një orë pasi u arrestua fundjavën e kaluar.
Protestuesit i vunë flakën hyrjes së një stacioni policie dhe një automjeti policie.
Ata thyen xhamat e makinave dhe dyqanet në rrugët përreth. Po ashtu, ata qëlluan me gurë automjetin e Mbretit Filipi. Makina u largua me shpejtësi nga vendi i ngjarjes dhe ende nuk dihet nëse monarku ishte në automjet në atë kohë.
Disa protestues u plagosën gjatë ndërhyrjes së policisë. Ata u dërguan në spital. Ndërkohë, disa të tjerë u ndaluan.
Policia arrestoi 23-vjeçarin me arsyetimin se theu masat e marra në luftën kundër koronavirusit.
