Leonardo DiCaprio është single, që nga maji i këtij viti pas ndarjes me të dashurën, Nina Agdal. E ai dukej mjaft i gatshëm për të nisur diçka të re, teksa ja kalonte mirë me të ftuarit e tij në një festë për 4 korrikun në Malibu, Kaliforni.
I veshur me të bardha, aktori mbante syze blu ndërkohë që fliste me miqtë e tij. Ai ishte i rrethuar me bukuroshe që kishin ardhur në festën e tij buzë detit. E pas bisedave me miqtë, Leo vendosi që të ndryshonte veshjen e të shkonte në det.
Siç duket një nga të ftuarat ka tërhequr vëmendjen e tij. Për disa çaste, Leo dhe brunia misterioze kaluan disa momente në vetmi duke biseduar e duke shijuar shoqërinë e njëri-tjetrit. Se kush ishte vajza, ndoshta do ta mësojmë në ditët në vijim.
