Një tension i ri duket se ka shpërthyer në familjen Beckham, pas vendimit të Brooklyn Beckham për të mbuluar tatuazhin që kishte bërë për babain e tij, David Beckham. Vetëm një muaj pasi deklaroi publikisht se nuk dëshiron të ketë pajtim me prindërit, 26-vjeçari u fotografua me një tatuazh të modifikuar në krahun e djathtë.
Tatuazhi origjinal paraqiste një ankorë simbolike, me fjalën “Dad” të gdhendur mbi të dhe frazën “Love you Bust”, një nofkë e përdorur nga David për të birin e tij të madh. Sipas fotografive të publikuara nga Sun, Brooklyn tani ka mbuluar fjalët me figura abstrakte dhe një yll, dhe mesazhi origjinal nuk duket më. Tatuazhi i ri përbëhet nga tre figura të paqarta në vendin ku më parë ndodheshin mbishkrimet.
Vetëm një ditë më parë, David Beckham u pa në Doha, ku ende ishte i dukshëm tatuazhi i tij “Buster” në qafë, që ia kishte dedikuar Brooklyn-it në vitin 2015.
Ky nuk është hera e parë që Brooklyn modifikon tatuazhet e familjes. Në 2023, ai kishte mbuluar tatuazhin në kraharorin e tij me shkrimin “mama’s boy”, të cilin e kishte dedikuar nënës së tij, Victoria Beckham.
Familja Beckham ka qëndruar e heshtur pas publikimit të letrës së Brooklyn-it, ku ai shpjegonte arsyet e distancës së tij nga prindërit. David, Victoria dhe tre fëmijët e vegjël, Romeo, Cruz dhe Harper, u shfaqën së bashku në Javën e Modës në Paris, duke shfaqur një imazh të njësisë familjare.
Në letrën e tij, Brooklyn shkruante:
“Kam heshtur për vite dhe kam përpjekur të mbaj gjithçka private. Fatkeqësisht, prindërit dhe ekipi i tyre vazhduan t’i drejtohen mediave, duke më lënë pa zgjidhje tjetër veçse të tregoj të vërtetën për disa nga gënjeshtrat që u shkruan. Nuk dua të pajtohem me familjen time. Ata nuk më kontrollojnë më; për herë të parë në jetën time, po mbroj veten time.”
