Një ditë më parë kreu i Vetëvendosojes, Albin Kurti dhe Presidentja në detyrë, Vjosa Osmani zhvilluan një takim në Mitrovicën e Veriut, ku u përballën me një grup të pakicës serbe. Por kryeministrja serbe e ka quajtur këtë vizitë një provokim.
ANA BRNABIC
KRYEMINISTRJA E SERBISË
“Ata jetojnë në një atmosferë provokimesh të vazhdueshme. Provokimet po vijnë vazhdimisht nga Prishtina, në vend se të shihet mënyra se si të ndihmohen njerëzit që jetojnë në territorin e Kosovës. Protestuesit patën një reagim të matur, mbajtën gjakftohtësinë e tyre dhe treguan dinjitet.”
Vizita e Kurtit dhe Osmanit në Mitrovicë shkaktoi reagimin edhe të kandidatit për kryeministër nga radhët e Lidhjes Demokratike të Kosovës, Avdullah Hoti i cili tha se disa çështje të rëndësishme nuk duhen përzier me politikën.
