Frika e sulmeve terroriste është rikthyer në kryeqytetin britanik Londër. Një 27-vjeçar është arrestuar pranë ndërtesës së Parlamentit, pasi në një çantë shpine që kishte me vete, iu gjetën disa thika. Besohet se ai do të kryente një sulm pranë Westminsterit. Personi, emri i të cilit nuk është bërë i ditur, po merret në pyetje nga forcat e antiterrorit. Ai nuk ka bërë rezistencë gjatë arrestimit. Policia njoftoi më pas se nuk ka rrezik për publikun. Siguria ne qendër të Londrës mbetet e lartë që pas sulmit terrorist të 22 marsit, ku mbetën të vrarë katër persona dhe një polic, përpara se autori i sulmit të ekzekutohej nga policia.
