Te Skënderbeu janë ngritur në qiellin e shtatë, pas fitores me lojë madhështore të aritur në Vlorë në javën e katërt të kampionatit të kategorisë superiore. Tashmë në kampin bardhekuq nuk druhen më të tregojnë egon e kampionit edhe për këtë sezon futbllistik.
Një nga futbollistët që e shfaq këtë ego është edhe Dejvi Bregu, futbollisti që ka dalë në konferencë për shtyp para seancës stërvitore të mërkurën. Bregu e përkufizoi si një fitore të merituar por të vështirë, atë të aritur ndaj Flamurtarit.
Ai bëri të ditur se triumfi i ekipit korçar erdhi në një atmosferë disi të tensionuar nga tifozeria vendase vlonjate, pritshmëria e gjykimit e klima në përgjithësi jo favorzuese për bardhekuqtë. Vlonjati Bregu, vlerësoi në veçanti kapitenin Marko Radas që sakrifikoi në përballjen me Flamurtarin, duke shprehur falenderimet e tij. Nuk la pa përgëzuar edhe futbollistët e rinj që treguan përgatitje të kënaqëshme fizike dhe psikoligjike.
Bregu shprehet i bindur se Skënderbeu duhet marë seriozisht nga kundërshtarët, si ekipi për t’u mundur. Por, apeloi ndërkaq që ekipi të qëndrojë me këmbë në tokë dhe të kontrollojë euforinë. Duke nisur që nga ndeshja e rradhës që Skënderbeu luan në shtëpi ndaj Tiranës. Mungesa e tifozerisë korçare në këtë ndeshje, shikohet nga Bregu si nië faktor që mund ta shfrytëzojë kundërshtari. Për këtë mungesë tifozerie, ai bëri thirrje që ekipi të impenjohet maksimalisht edhe për sfidën ndaj Tiranës
